Haraldsplass Diakonale Sykehus – Store norske leksikon

Faktaboks

Offisielt namn: HARALDSPLASS DIAKONALE SYKEHUS AS
Organisasjonstype: Aksjeselskap
Forretningsadresse: Bergen
Stifta: 29.10.2001
Dagleg leiar: Kjerstin Fyllingen
Styreleiar: Jørn Henning Theis

Haraldsplass diakonale stiftelse drifter blant annet Haraldsplass Diakonale Sykehus og VID vitenskapelige høgskole.

Haraldsplass Diakonale sykehus

Av Marit Hommedal/NTB Scanpix.

Lisens: Avgrensa gjenbruk

Haraldsplass Diakonale Sykehus er eit diakonalt sjukehus etablert i Bergen i 1918 som Bergen Diakonissehjem. Sjukehuset inngår i tenestetilbodet til det regionale helseføretaket Helse Vest, som har ansvaret for spesialhelsetenester i Rogaland og Vestland fylke.

Sjukehuset har lokalsjukehusfunksjonar for bydelane Arna, Bergenhus, Samnanger og Åsane, samt kommunane i Nordhordland. Sjukehuset har i tillegg regionfunksjon innan lindrande behandling, og dessutan akuttfunksjon innan indremedisin, kirurgi og geriatri. I tillegg til resten av verksemda har sjukehuset, gjennom Sunniva senter, ei eiga hospiceeining for alvorleg sjuke og døyande pasientar.

Sjukehuset er eigd av Haraldsplass diakonale stifting, og verksemda er frå 2001 underlagd aksjeselskapet Haraldsplass Diakonale Sykehus AS.

Historikk

Sjukehusets historie startar i 1871, året diakonissene Marie Hustvedt og Kaisa Millom flytta til Bergen. Dei neste 40 åra dreiv diakonissene med privat sjukepleie, før dei frå 1907 òg fekk ein kirurgisk klinikk. Bergen Diakonissehjem opna i 1918 og tilhøyrde i byrjing Diakonissehuset Lovisenberg i Oslo, før dei etter kvart vart sjølvstendige.

Eit nytt sjukehus, med ein systerheim, stod i 1940 ferdig på den noverande tomta til institusjonen, før fylkeskommunen i 1970 tok over ansvaret for finansieringa av verksemdene til sjukehuset.

I 2001 vart sjukehusreforma vedteken. Vedtaket innebar at all eigarskap av mellom anna alle offentlege sjukehus, ambulansetenester, psykiatriske institusjonar, og rusomsorg under spesialisthelsetenesta, skulle overførast frå fylkeskommunane til staten frå 1. januar 2002. Haraldsplass diakonale sjukehus er frå 2002 ein tilbydar av helsetenester på vegner av det regionale helseføretaket Helse Vest. Frå det same året vart Sunniva Senter, tidlegare Sunniva Hospice, ein tilbydar av lindrande behandling og omsorg for alvorleg sjuke og døyande pasientar, ein del av sjukehusverksemda.

Les meir i Store norske leksikon

Eksterne lenkjer

Faktaboks

Organisasjonsnummer: 984027737
Sektorkode: 7000 Ideelle organisasjoner
Næringskode(r): 86.101 Somatiske sykehustjenester

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må vere logga inn for å kommentere.

Fagansvarleg for Helseforetak og sykehus

Geir Sverre Braut

Professor, Høgskulen på Vestlandet