Den norske kongekrona er laga av gull og pynta med perler og ulike edelsteinar. Den store grøne edelsteinen midt føre er turmalin. Krona har òg ametyst, granat, opal, peridot, krysopras, topas, safir og smaragd.
Kronjuvelar er verdfulle gjenstandar som kongen eller dronninga i eit land har. Dei er ofte laga i gull eller andre dyre metall, og pynta med juvelar og edelsteinar.
Det er vanleg at kongar og dronningar har ei krone, som er ein type kronjuvel. Kronjuvelar kan òg vere rikseple, septer eller andre gjenstandar brukt til pynt. I Noreg bruker ikkje kongen og dronninga kronene sine no lenger. Blant kronjuvelane i verda finn ein mange av verdas største diamantar og andre edelsteinar.
Alle dei norske kronjuvelane samla. Krona til kongen er nedst. Den minste krona er til dronninga. Krona i midten er til den som skal ta over etter kongen, tronarvingen. På biletet er det òg to rikseple, to septer, eit salvingshorn og eit rikssverd. Salvingshornet blei brukt til å ha ein spesiell olje oppi. Den som blei krona, fekk smurt litt olje på panna og handledda, som skulle vise at hen var heilag.
I 1908 bestemde Stortinget å ta vekk det som stod i Grunnlova om kroning. Kong Haakon 7. og dronning Maud, besteforeldra til kong Harald, er det siste kongeparet i Noreg som blei krona. Det skjedde i 1906.
Då Karl Johan skulle bli krona til konge over Noreg og Sverige i 1818, laga dei nye kronjuvelar. Det er krona, rikseplet og septeret frå kroninga hans som er dei norske kronjuvelane i dag.
Kongen og dronninga har kvart sitt rikseple og septer. Riksepla er runde, blanke kuler med ein liten kross på toppen. Eit septer er ein utsmykka stav, som skal vise makta kongen og dronninga har.
I Noreg finst det tre kongelege kroner:
Kronjuvelar blir òg kalla riksregalia. Ordet regale kjem frå det latinske ordet regalis, som tyder kongeleg.
